生日快樂.......~

今晚多謝一個朋友送上一首很準時的 Birthday Song，又好多謝一個好耐無見的朋友的一個 SMS，that's all.....，仲有.....

我都要祝自己生日快樂，大一歲更要快樂多一點！

Running in Heat~~

今日都幾晏收工，七點半先返到屋企，回家途中已在想回家後要出去再跑一下步，但係九點又要學琴，時間上好像有點趕緊，不過都係決定做下運動！

今天的目標都是一樣，出外跑半小時，我的計時辦法是一開始的時候預設倒數計時器為十五分鐘，就不顧距離，總之從家的附近起跑，直至我的表響起 (即已跑了十五分鐘)，之後就回程，這樣子當我跑回家的時候就大約三十分鐘了！

雖然都幾累同埋今日都幾熱，不過就幾值得，我 enjoy 跑步後全身都在冒汗，汗水從每一個毛孔湧出，也像把身體的毒素也帶出來似的，因為覺得精神起來，整個人也輕巧了，當然也有我之前所講那種 pleasant feeling 啦...~

終於起跑了......~

話0左好耐想做返運動，因為真係覺得自己身體差0左，今日終於開始‧經常都有個 excuse 俾自己因為沒有了跑鞋，所以遲遲都未開始，其實跑步一對「白飯魚」就已經足夠啦，沒有鞋只不過藉口吧！不過今日我連呢一個藉口都唔俾自己，因為我下晝走0左去買一對跑鞋，決意今日一定要開始，六點半即刻走0左落街跑，一開始唔敢太盡，所以只跑了半個鐘，但已經汗流浹背了，加上天氣又濕又熱，都不是容易呀‧不過我 enjoy 做完運動後身體釋放出來那鍾 pleasant feeling，同埋個人都會精神一點‧但係我會堅持希望一星期最少都能夠跑兩次大約 30分鐘的步，希望可以改善一下心肺功能，還有改善健康‧

點解選擇跑步? 因為跑步可以自己一個人都能夠做得到的運動，而且在跑步的時候無需發出聲音，可以靜靜的思考，還有我喜歡向前跑的感覺，一步一步的向前奔去‧

靜一下.....~

每一天我們都接收到不同的訊息，有時是好的，有時是不好的‧遇到不如意的事時，我會選擇靜一下，將自己抽離去另一個環境，好樣 reset 過個情緒‧可以的話，有一個地方可以俾我鳥瞰自己住0既地方，又可以吹吹風的話，我一定會去.......，去那裡想一想 what's really going wrong..!

兄弟班....~~

今日同0左亞勁同 Simon & Nelson 食飯，好開心呀，有講有笑，
雖然大家都算初次見面，但係氣氛真的不錯，我相信無問題既！

Nelson老婆去0左美國，佢好次好 free 0甘，因為佢楂0左車，飯後送0左亞勁走之後佢就提議上飛峨山‧三條麻"lat"佬上去都幾算搞笑，沿途見到好多車停埋一二邊，唔講都知裡面發生緊咩事啦！我地三個自從畢業後，好少機會只有我們三個人出去傾計，我其實好真惜，佢兩個係我真正要好的朋友，不過大家都忙，有時係難夾 d，不過大家個心都真係0係一齊，大家都好認同大家，尤其我成日同Nelson 講有你地呢班兄弟陪住我成長，一齊走呢一段路，我會走得舒服好多！

我地三個就係0甘拍低0架車0係山頂，一路傾，傾到由個景好清淅至到濛查查，由未落雨傾到落大雨，都好似唔願走，唔係第朝要返工，一定會奉陪到底，我地臨走仲影0左幾幅相添，enjoy 一起的時間呀, 兄弟們！

中七同學聚會,,,,~~

今晚同 d 中七同學出0左去，我地去0左美麗華商場食日本菜，今次都算人齊，加加埋埋都有十二個，我們這幾個 "膽" 當然 must 到啦，就連婚後久未露面0既 Mable 都有到，仲話0左個好消息俾我地知，就係佢有0左！我地這幾個同學，其實有幾個經已結0左婚，就算未結的，有的也計劃當中，有兩pair 會在今年年尾結婚添，好高興呀！

好有趣，由一齊0係同一個班房讀書，一齊"湯"老鼠，一齊俾Miss 鬧，又一齊為會考努力過，至到今天聚首一堂，有的已成家立室，又或者plan著要生孩子，或是要為著自己的工作奮鬥， 回想當天掛在大家臉上的稚氣，今天似乎已逐漸黯淡了‧

我地食完晚飯，基基，我，南，德同cott 就返去屯門食糖水，年尾將會結婚的 cott，是我很要好的朋友，知道她年尾結婚真的很為她高興，我們都有好一段時間沒有聯絡，估唔到臨走時要隔著對面車站月台傾計，幾尷尬0架，隔離0甘多人，不過見係佢就算啦，佢以前同我講過佢唔喜歡以前0既工作，可能係同電腦有關吧，依稀記得想做一點 Admin 的工作，希望她下星期見工成功，可以找到自己想做的工作吧~!