你聽過呢首歌未呀~?!

唔知你有無試過記著一首歌超過十年但係你又唔知個歌名的呢.....? 呢一首唔係邊個邊個大歌星的名曲，只係十多年前的一套好似係無線下晝六點半新聞前的一套日劇主題曲播過下，而呢首歌就時不時在我的腦內纏繞，信不信由你，好想搵，只知道係好耐之前的男歌手黃奕所唱的，我覺得首歌好有 heart，好 "lum"人，所以我好鍾意‧上星期四我剛剛放工回家，正準備換衣服之際，我聽到一首似曾相識但又令我難以至信的歌，就正正係我記著了十多年的一首歌，我興奮莫名，但可惜我聽到的只是後段，主持容祖兒沒有再說那首歌的歌名，不過我就決定就憑著呢 d 線索，881電台; 容祖兒; 大約晚上七點的時間去找881 的網頁，黃天不負有心人，我找到了那個節目，雖然要做 member 先可以聽重溫節目，我也沒有太大考慮就已入了三個月的 trial，去一解我多年來的心結，所以縱然現已夜深，我也急不及待要上來分享一番，那首歌就是黃奕的--最愛的妳!
(我估廿歲以上的朋友先知黃奕係邊個)

如果每日每天也是快樂時辰; 如果可以一刻跟你走近
這世上平凡亦變得; 一張張可愛的俏臉;
令俗世添上愛和暖; 尋覓到一切更完美;
喜歡妳
....................
....................