五周年....~

不經不覺同小芯已經拍0左五年拖，我相信身邊的朋友之中，我們也算得上數一數二拍得最耐的一對‧壓力? 當然有一點啦，身邊的人此起彼落的問到幾時到你做"老親"呀?! 我每每都會啞晒! 尋晚去0左 Sheraton 頂樓 skylounge 0個間 Oyster & Wine bar 慶祝，之前去過一次，不過唔係同小芯，係同老細，覺得環境真的唔錯，所以決意再來，就0岩呢個機會，我又有朋友相助，拎到個 discount，同埋聯絡到0個度個總廚 Oscar 為我安排一個蛋糕，總算五年的一個 milestone 為小芯做了一點點事‧我地去到坐低無耐，Oscar 已經出0黎同我地打招呼，同埋幫我地安排食物，我又揀0左支white wine，叫 Monte 係 Chile 來的，果然係靚酒區，唔係好貴但好易入口，當然去到 Oyster Bar，一定要試下最出名的生蠔，我叫 Oscar 揀0左每人五隻，但係要個海水味由淡至濃，當然係好 perfect 啦，仲有蟹餅，fillet，同埋牛柳，之後上埋個梳乎厘，真係好飽！ 個神秘蛋糕係最後上的，很好吃，可惜我地已經 full 晒‧我都希望小芯永遠快樂啦！