實踐約定.....~

半年前同邦邦約定上山放時間錦囊，今天2005年六月十二日終於實踐了，不過唔只同佢，呢次由肥仔發起，叫得齊成班兄弟，有我、老潘、亞威同 Sammi、Bruce、豪爺、Ken Sir，total 九男女，地點係屯門青山，呢次0甘齊人上山，諗落其實好難得，難得在夾得到0甘多人0既時間，我地晏晝三點到先上山，中間停下行下，用0左差不多個半鐘時間，終於上到山頂，上面景色相當唔錯，即時體現王之渙首古詩:「白日依山盡 黃河入海流 欲窮千里目 更上一層樓」，之後我地即時掘洞，寫感受，影低 d 相做記念，將佢地埋晒落去 d 泥度，好彩今日太陽唔太猛烈，都算好少少，否則我地未必上到山頂‧之後我地落山食飯加賭錢，超盡興！五年後，我地約定再返去........~