新年終於告一段落...~~

今日年初三，其實已經忙足好幾日。由年廿九開始食團年飯至到今日，幾乎日日都要出街，雖然唔使返工，但係個忙碌程度真的同開工無異。

年三十晚在家團年後出0左去支持 Simon 檔年宵，一搞就搞到兩點，成三點先返到屋企；

今年年初一雖然唔使出去拜年，但係夜晚都要出去食飯，之後返屋企打牌都打到成點鐘；

年初二一早有人0黎拜年，之後出0左女友家拜年，夜晚去個 friend 屋企又搞到成兩點幾先返到屋企；

年初三一早九點半起身同班兄弟飲早茶，之後當然係例牌去Nelson 家的賭局大戰，雖然有些少斬獲，但係都有點倦，夜晚返屋企食飯，因為四姨同七姨都入0左0黎，一行十二人出去酒樓食飯；

你可以看看，寫出0黎望返都覺得恐怖，咁多應酬真係倦的！到現在剛剛可以坐下寫0下 blog，呢個時間終於可以自己寧靜一下~~~