今天要上班.....~

禮拜日都要返工都估到有幾累的了，一個星期就像沒有休息過一樣，今天幫一個新出去 private practice 0既醫生搞0左一個 public talk 0係灣仔聖雅閣福群會，估唔到0甘多 patients 會0黎，有差不多二百人‧有兩個 nurse 幫 d patients 量度血糖同血脂，0甘我同個同事就要做 patient counselling‧當我同0左幾十個人解釋完佢地個 result 都已經有點喉沙了，好不容易捱到個醫生開始講書，到佢講完書，有個福群會的女職員走過來同我講要做多大約一百個，雖然呆了一呆，但都頂硬上，終於今天係由中午十二點無 break 地踩到下午六點，呢次雖然有 OT都蝕呀！

今晚就總唔願睡，好想自己獨自做下自己0野.... 休息一下！

鼓勵跑步.....~

可能喜歡上了跑步，也希望鼓勵身邊的人也會起跑，雖然可能是心理作用，但每次跑步後都有很 amazing 的感覺，人覺得精神了，輕鬆了.....~

間唔中會搵 d info 關於 running，可能你唔會估到這幾十分鐘的運動可令你的身體有這樣的變化，你可以也細閱一下，有興趣的話也可好像我這樣，放工後，換上背心再加運動褲，走到街上，跑過痛快，包你晚上可以舒舒服服的大睡一覺！

細看我的 blog.....~

好多時我寫 blog 都係想發洩一下自己的內心世界，都好隨心所欲，無固定 topic 或 traget audience‧其實自己寫出0黎無乜想話邊個會睇到，因為無 set password，基本上任何人都 access 到，但總有有心人會 save 起我呢個 blog，得閒就 click 開0黎睇0下，了解下我的內心世界又或是睇下我的近況‧

多謝你們，因為大大話話我都寫呢個 blog 超過兩年了，寫的篇章也超過130 個，我最喜歡聽著一些我喜愛的純音樂去寫或回顧一下之前的 blog，感覺好好，可以一次過欣賞自己這兩年來的變化，我有想過有一日自己會將呢個 blog 出一本書俾自己！

其實寫呢個 blog 就係0甘好，天馬行空，我所想所講任意發揮，沒有人會 challenge‧為了更可以表達自己，我現在習慣了寫完一個 blog 之後都加插一幅相在上面，有時找一幅合我心水的照片不是容易，識我的人都知其實我真係幾奄尖 ^o^‧

可能找這一幅相比寫個 blog 更長時間，目的都係希望找一些我認為美的，代表到我當時心境的，所以如果你下次看我的 blog，記住也仔細看看這幅相，必有另一番感受！

累了......~

最近都有點兒身心疲憊，不知是否工作上的壓力，還是有甚麼特別原因，人總有點兒緊張，狀態也不甚很好，我想都是與太夜睡有關，休息不足所致‧不知道會否同時間也影響運氣，我最近在一個月內前後遺失了銀包以及手機，還有八達通被人盜用，其間又被交通警抄牌，未講完都知自己最近真的走在不太好運氣的時間上，一件接一件，每一天都在為失去了的東西做補領，費時又失事，金錢也灑盡了‧

好在身邊還有對自己好的朋友，不作半點埋怨，很樂意去安慰自己，否則這樣的打擊下，我相信只有一沉再沉，不容易應付！

今晚決定去跑步，想將 d 鬱悶同霉氣一次過噴晒出來，一直跑，唔想俾自己停，總之想自己累極為止，我跑完之後感覺好好多，就這樣拖著沉重的身體踱步回家！

我的福將呢? 到那裡去了.......