鬆口氣........~

終於公司0既 Annual Dinner 尋晚完0左，之前真係忙得好交關，我俾公司 d 人捉0左去跳舞，日頭返工，夜晚練跳舞，一星期練三日，好鬼甘!! 自己都無晒自己 d 時間，之前都可以搵0下老細，亞潘佢地食0下飯，近呢個月，幾乎無出過0黎! 連返屋企食飯0既時間都無乜，總之練到十點幾，返得屋企，訓得都幾乎成點鐘~

我地跳舞有六男八女，尋晚著住套好鬼花0既衫，開頭見到即刻好反感，點知著起都幾好睇‧我地表演完之後就決定著住套0野周圍巡，開頭有 d 驚，點知仲有 d fans 添，有 d 醫生都走0黎話要同我地 d 呢班 "舞男"影相‧仲有個醫生0既老婆見到我地幾個後生仔開心到話要再同我地影多幾張相留念，我幾驚佢開心到暈呀~

我真係無諗過自己會有一日會0係0甘多人面前做一個0甘0既表演，不過有個0甘0既經驗真係唔錯......~