無悔.....~

今晚同0左成班兄弟出去玩，好耐都無試過出0黎聚聚‧我地一如以往 book 0左間房玩廿一點同射龍門，加上全場都係港府式粗口，個個都發洩一番，所以特別高興‧老細話佢下年有喜，我地即刻急不及待就恭喜定佢，佢算0係我地班人中較早就為自己未來一半定下方向的‧邦邦一直講0野未停過，學亞豪爺話齋 "聽佢講0野好過上網"，因為佢真係太見識廣博喇....~ 之後我地去0左春夏秋冬打邊爐，d 0野都係 keep 住0甘好食，d 啤酒又好鬼平，真係無0黎錯....~

朋友.....~

今天總覺得有種若有所失的感覺，事原係我有個好耐無聯絡的朋友，最近在街上遇上，我們曾幾何時都可說得上是密友，但是今次遇上我們都只是點頭問候，寒暄兩句就分開了，和以往那種有說不完的話，簡直是差天拱地‧對朋友太認真有時也有個壞處，當有日大家關係有變的時候，我就會有這種從心裡發出的不悅.....~
陳建穎有首歌叫<<死黨>>，中間有句歌詞好0岩，"仍舊掛念那段歲月和陽光 情侶別了情緒壞了誰會在眼前 人已大了怎可與誰天天相見 時間在變朋友亦變知心卻未變 ... ... ..."
所以今天我好珍惜身邊的朋友 (尤其班兄弟)，有時唔一定好有原因，只有想起他/她，我就會打去俾佢，又或者出0黎食餐飯，飲杯0野，一解日透的煩腦，乎復何求.....~

鬆口氣........~

終於公司0既 Annual Dinner 尋晚完0左，之前真係忙得好交關，我俾公司 d 人捉0左去跳舞，日頭返工，夜晚練跳舞，一星期練三日，好鬼甘!! 自己都無晒自己 d 時間，之前都可以搵0下老細，亞潘佢地食0下飯，近呢個月，幾乎無出過0黎! 連返屋企食飯0既時間都無乜，總之練到十點幾，返得屋企，訓得都幾乎成點鐘~

我地跳舞有六男八女，尋晚著住套好鬼花0既衫，開頭見到即刻好反感，點知著起都幾好睇‧我地表演完之後就決定著住套0野周圍巡，開頭有 d 驚，點知仲有 d fans 添，有 d 醫生都走0黎話要同我地 d 呢班 "舞男"影相‧仲有個醫生0既老婆見到我地幾個後生仔開心到話要再同我地影多幾張相留念，我幾驚佢開心到暈呀~

我真係無諗過自己會有一日會0係0甘多人面前做一個0甘0既表演，不過有個0甘0既經驗真係唔錯......~

堅持

有時候你要將你的水平提升，說實真的不易，若你過早放棄更加會前功盡廢，打回原形‧所以若你真的想在一方面的技術有所提升，你必須堅持，就像上樓梯一般，你要攀上一級，所用的力量係最大的，但當你一旦上去了，要下來又不是很易的事，所以我在奉勸各位，如果你正在努力當中，一定要堅持著，因為可能你還差一點點就可以踏上那一級了....~
這道理我是從學習小提琴領會出來的，學習這種樂器，沒有興趣的一定學不好，因為當中所運用到的技巧真的很多，這些技巧要提升不易，但若你做到後，要你忘記也很難了.......

今天很特別~~

今天的時間好像比平時多，可能係好好利用的關係掛....~ ^o^
我今日去0左 Cyberport 睇套<功夫>，老實講笑位唔算多，仲有 d 天馬行空0左，不過唔算悶~~
哎.......聽日要返工，早 d 訓先.......~~

2005 的第一天

今日好正，係2005 0既第一天，今朝一早起0左身，天氣雖然有點凍，但係天朗氣清，萬里無雲，仲食0左個好唔錯0既早餐‧回顧零四年有好有唔好，雖然都好努力，但係就好似未有咩實質0野做到，我自己俾自己0既分數都係平平，所以今日呢個0甘好0既日子，我覺得係時候諗諗零四年有咩仲未做到，有 d 咩想今年做， plan 0下自己想要 d 咩，將佢地一一寫低，落實去實行下，我相信唔多唔小都可以達到一 d 我想要的‧數數手指，畢0左業都差唔多四年，時間過得好快，今日的我都比四年前成熟了不少，唔再凈係顧住玩，今年我想貪心 d，有好多0野都想做，所以零五年我0既願望除0左係世界和平同身體健康呢 d basic 0野之外，我希望天時地利同人和都可以配合得恰到好處，夾到正一正，可以令到我0係零五年0黎個大躍進，achieve 到更多0野!!

Hope all wishes come true.....~