樂理很深呀~~~~

以前讀書總覺得 Physics，A.maths 好深好難，今晚係第四堂上樂理，原來樂理不是想像中的容易‧由 C major 對 A minor，到 harmonic 同 melodic 都有規有矩，真不知誰能夠將一些好像沒有定律的音調，可以令到它們變得那般系統化，一致化，這貢獻我覺得不遜於愛恩斯坦發表相對論‧不竟音樂是另類語言，我諗係要好像學外語一般有文法規定，有好多都不是用推理想出來的，只靠死記~!

還有拍子記號，加加埋埋學0左十種，2/4、3/2、6/8、4/2......等，隻隻都唔同，有唔同規律，2/4 同4/4 最似，不過原來重音唔同，所以唔一樣，還有單拍同複拍，林林總總‧

山頭霸王 2009...~~~

呢個 weekend 參加0左山頭霸王2009，其實係國際雷利計劃（香港）一年一度舉辦的兩日一夜慈善越野馬拉松競賽‧之前從未參加過，去之前都有擔心，不過一班同事雄心壯志，我又點會認輸呢！

為了唔想受傷，去之前除了 train up 一下大腿肌肉之外，更特地買了對行山鞋，唔想傷腳之餘仲唔想滑到‧今次行山與平時有點分別，因為我們四人一組，每人都除0左個人裝備之外 (如：全程都要有最小1 L水)，還有隊伍裝備 (如：露營裝備，cookset)，加加埋埋都幾十斤，行的路也不是普通的山路，而係好像入了森林的路，路滑而且好多上落位，不過很好玩‧

我們就由星期六八點半起步，行到下晝五點零到達 campsite，行完一整日山後，急不及待準備晚餐，最開心的時刻就係煮0野食‧食飽飽之後，因為太大消耗，我十點已經睡著了，我們是住在紮營中，到半夜冷醒了，無可奈何，把可以穿的都穿上身，然後迫自己繼續訓，盡量透足精神，因為第朝五點有 morning call，我地八點開始再行。

我最 enjoy 今早在樹林山路經過，今早很大霧氣，充斥著整個樹林，地上的泥土和落葉都濕淋淋的，我像致身在熱帶雨林般，平時經常在市區工作，走到這些大自然地方，感覺特別良好！好慶幸呢次活動沒有大損傷，多謝 support 我的朋友‧呢次除0左行山運動之外，絕對係體能同意志的挑戰！