Oyster C 好正......~

尋晚同媽咪、亞妹、同小芯去0左跑馬地食晚飯，事原係媽咪亞妹佢地下晝去0左太古城睇冰雕，見0甘難得媽咪佢放假又出0左0黎，就決定同佢去食蠔‧早前有朋友介紹過一間0係跑馬地食蠔0既餐廳 Oyster C, 門面並唔突出，在一條唔起眼0既橫街，附近又有 d 車房，入到去坐低，地方唔算闊落，伙計們都酷似車房look，但係就成個蠔吧0係我地張table 前面，有個自稱金毛強的伙計熱情的介紹蠔的品種，想起當時的情形都有 d 唔自然，蠔吧上的蠔都比我以前見的好巨型一點，我地一開始就叫0左三款蠔，少許海水味的Tasmania, 較重海水味的Fance Special and 比較肥美creamy 的Blue Port，我個人較喜歡前兩者，有海水味而蠔肉較爽的，creamy 的較膩一點‧之後隨即我地仲加0左隻海水很重的 Coffin Bay‧除了 oysters之外，我叫0左個煙肉野菌 pasta，好食；仲有脆肉瓜黃椒伴鱔片，肥美又鮮甜，好食；烤豬仔骨，外脆內軟，好食；清酒煮加拿大蜆，蜆肉夠大又有香膿蜆味，汁也煮得很好，好食；最後金毛強幫我地話事整0左個軟心朱古力蛋糕，呢個因為 d chocolate 唔夠流出來，我只係俾八分，味道就真係唔錯！食0左0甘多0野，價前每位都係二百零蚊，都算低食，有機會試試啦.....~~~!

Oyster C: 香港跑馬地桂芳街3號地下(近跑馬地警署) Tel: 28347748 (最好訂位，都幾多人0架)

下半年計劃.....~~

生日之後都想0左好耐話要同自己 commit 一0下下半年可以有 d 咩做到，不過之前唔係好理，拖下拖下今晚心血來潮要做一做‧其實來來去去都係0個 d 0野，想自己ｄ english improve 下呀，練多 d 琴呀，睇多兩本書呀，就但係唔寫出0黎就見唔到個進度，又或者有時都想 push 下自己，除0左返工放工同玩之外，希望可以0係 d 空閒時間做 d 有用 d 0既0野! 係好老套0架，有 d 似細個小學先生要我地諗0下0個 d 半年計劃0甘，希望可以堅持一下到三個月後 review 下做到幾多啦......~~