新嘗試....~

今天我有個新的任命，06年給我的第一個驚喜，就是我成為了一個初級的小提琴導師‧事原是 Eric 佢有個朋友開琴行的，他等著要一位小提琴導師，找了很久也未找到人手，學生不能等，他找我時我已表明我今年才會考五級試，他認為只教初級的學生不是問題，加上朋友介紹，陰差陽錯我當上了一位小提琴亞 sir，聽落幾奇怪，但對於我來說我是非常樂意，我之前一晚已很興奮，因為我一直很期待可以有機會嚐試箇中滋味，我一開始已有三個學生，最年少的只有二年級的初學生，而最大的有中三，我相信要成為一個好的小提琴導師不是容易，我會好好真惜呢個機會，這推動我更努力練琴，加上耐性，希望有多一點經驗之餘自己也有得著!!

Ken Sir 結婚~~

見到自己0既兄弟結婚，內心那份喜悅真的很希望在此分享‧Ken Sir 已認識了他七年了，可以稱得上兄弟班，佢係我地兄弟當中最早結婚的一個，今次可以作為"兄弟"在他的婚禮上幫他，真是有幸！佢0既婚禮唔算擺得很多席，不過安排的節目可謂相當精彩，一開始就有位朋友用色士風吹奏了首 wedding song 同 I Believe，非常動聽，之後就由都係我地兄弟之一的邦邦做司儀，幫亞Ken 慶祝生日，玩遊戲，亞Ken 仲獨唱了首"有個人"俾 Idy 聽，我地自己同學一圍，興奮至極，最終將最後一支紅酒喝光，我地仲加了一個主題，就係" Real Man 加 True Love"....!!

呢個 blog...~~

估唔到邦邦介紹俾我呢個 blog 令我可以 keep 住一年0係呢度寫0野，有時得閒睇返，都會令自己諗返起有 d 咩瑣碎事發生過‧唔知點解，最近睇書多0左，以前我好少看得完一本書，講起都慚愧，但0係呢半年間，我已看過了三本書，有小說的，有哲理的，先發現能夠看得完一本書幾有成功感，也能夠學到作者的思考，希望我不是太遲先發現罷...!我諗我會繼續看多一點好書, 可以的話，也能再這裡跟大家分享~~!!

除夕夜.....~

今年的除夕夜只有我和小芯過，雖然人少少，但係一 d 都唔遜色，我地去0左赤柱食0左個餐，又開0左支紅酒慢慢嘆，跟住去0左灣仔 d bar 飲0野，間 bar 雖然第一次去，開頭都有 d 擔心，但係0個度越來越多人，有人有"鬼"0甘啦，我地0係0個度倒數，去到十二點0個下，全場鼓掌歡呼，又有人拉炮，我地仲叫0左隔離 d 人幫我地影0左幅相添，零六年有好多0野想做，有好多0野想改，希望做到啦!!