沒有錯對的抉擇......~

一生人之中要去抉擇的事多的是，如果有得選擇的情況下，有錯有對的，那當然容易不過；相反，若然在一個沒有錯對的決擇中你想拿定主意，真不是想像之中容易‧我真不希望你是當中的一個，因為一股纏繞著你的煩惱確是不好受的！^o^

星期個性....~

今日同我之前估計0既一樣，直頭係忙到想死呀。
0岩0岩先知有樣0野叫星期個性，原來我係星期三男人，我都覺得幾準：
星期三男人
極具責任感和正義感的人，對於感情不抱著遊戲態度外表老實內心卻十分溫柔，對於感情會是衷心渴望的
外型十分具異性與同性緣，會以行動對愛人表示好感必定誠心誠意的呵護對方
對於一夜情沒有太大興趣，理想伴侶是對感情誠懇的感情受到挫折通常會痛苦，扮演付出與愛人的角色多
http://home.kimo.com.tw/ewormeworm/city/fate/01/daylife.htm

忙之終極.....~

呢兩個禮拜好似無乜休息過0甘，呢期我諗都係我入呢間公司(Pfizer)以來最忙的一段時間，我而家要幫手負責多一隻產品，新一代血壓丸，竟然0係我0甘煩0既時候再為我添上多點麻煩， 真係 thank god!! 因為呢個原故，一大串 training 隨之而來，我每日返工開會、training 然後再開會，不停的被叫入不同的 room，加上連續兩個星期一 product test，even 星期日都要溫書，聽日0係 sheraton 有 new product launch meeting, 七點半要到，然後夜晚再去Excelsior食飯，應該同班醫生食飯食到十點到啦，哎......又無得透喇！呢期真係搞到我有 d 精神緊張，真係好想0係我咪埋雙眼0既時候，有人可以幫我輕輕地轉下個太陽穴，0甘都可以暫時忘記一下緊張0既工作丫~~

人生交叉......~

澳洲讀書唔係我夢寐以求，但係而家實實在在放0左個 pharmacist course 0係度，只有呢個途徑可以成為藥劑師，真係唔知係冤枉路定係一個好機會！而家0係藥廠工作其實算唔錯，以前做一間講出0黎都唔知咩0既儀器公司，而家一轉就做間美國誇國公司，唔好講前途，每個月有底薪，三個月有個 incentive，半年有一次 trip 去下，平時工作時間也好彈性，有時都會諗：想點？! 0甘樣可唔可以一世呢？就係因為心多，定係心紅？!有時都覺得自己好 aggressive，做人可能可以簡單 d 呢！ 如果去南澳洲讀書，兩年半加一年 internship用三十幾萬，學成歸來，人工唔在講，status 都可以提升，話晒都專業人士0丫，到時可以選擇返藥廠做又或者去醫院做個 clinical pharmacist，都好似唔錯，但眼見亞爸亞媽就退休，又有層樓要供，又要快一點決定，雖然兩年半可以捱得過，但係真係唔忍心！而且只有呢兩年仲可以有選擇權利，如果兩年後我一定唔會再諗，年紀問題！滿腦子都是去同唔去0既理由，最近尤其同身邊朋友傾起呢方面0既問題，發現有 d 人都係0甘諗，邦邦更加0係佢 diary 講到出口，原來大家都來到了呢個交差點..........煩惱總係由選擇而起！