元宵節....~

元宵佳節好應該同戀人甜甜蜜蜜，今日係中國情人節，按照中國古代的習慣，"元"指月亮正圓，一年之中有所謂"三元"──正月十五稱為"上元"，七月十五稱為"中元"，十月十五稱為"下元"，故元宵節亦稱為"上元節"；"宵"即夜也，所以元宵亦有一年之中第一個月圓之夜的意思。大抵古代元宵燈節時人流如潮，節日活動豐富多姿，而古時男女缺乏交往的機會，所以元宵節很自然就成了古時情人相會之日，如歐陽修亦有詩云："去年元宵時，花市燈如晝。月上柳梢頭，人約黃昏後"。我今晚只係同亞潘同亞威出0左去深水食飯，三個麻甩仔0係元宵節周圍搵0野食，最後去0左一間個樣唔係幾好但係食小菜0既地方食飯(我最愛的)，我地叫0左三個菜，都等0左幾耐，但係估唔到 d 0野幾好食，質素唔差。我叫0左我最鍾意0既羌荵生蠔煲，仲有一個煲仔同一個菜添，真係唔錯，我諗我會再來.....~

老細不在....~

今朝同公司四大美人食早餐，八到聽日成班老細唔0係香港，簡直係天大喜訊，呢排都有同0下佢地食早餐，都唔知點解會同佢地熟起上0黎，可能我同 Rachel 係 partner 啦，容易 d 溶入佢地，呢幾個女仔幾得意，無乜架子咩都講得，有時俾老細串完同佢地擤0下，等佢地和應0下，0甘就會開心 d 0架喇....~

回復正常......~

今天第一天返工，返到去見人就恭喜，逗0左唔少利是，公司又打鑼又舞獅，鬼0甘誇張，隻獅子遊晒16, 17 同 18樓，又食燒肉，都幾開心。第一日0既工作冇咩做過，食埋開年飯先走，不過見到面前0既工作，心情唔多唔少要收拾一下，放假0既感覺逝去了, 一切又變回正常......~

緣份........~

緣份 - 其實係人與人之間能不能夠相處得好的一種無形感覺，不同人有不同的緣，有強有弱，強者不用對對方做些甚麼，大家相處起來已經很好，很舒服了，只要一起走走，說說些對生活的看法，已經足夠了；弱者無論大家對大家做了些甚麼，感覺總有點不自然，好像相處得有點壓力似的，甚至乎要出動到忍讓之類。我是一個相信緣份的人，我信在我身邊的都是與我溝通到的，我有個唔好習慣，總是憑著呢種感覺認識朋友，所以沒有這感覺的我已經不再放時間在他們那裡。所以我有的朋友不多，但每個我都非常真惜。我有一個朋友正正與我很有一種合拍的感覺，相識多年，感覺從來不變，非常親切，與我分享樂與怒，對我來說是一個十分重要的人，可能這就是緣份.........

孫楠

最近有留意0下 d 大陸歌手，比如孫楠係我其中一個幾欣賞的，開頭只聽過他的名字，之後聽他的歌，不愧有 "華人第一男聲" 美喻。佢0既作品有好多，但係我比較喜歡 <拯救>呢首，無論係 melody 同歌詞都非常出色，加上孫楠唱功，還有新歌<燃燒>都係值得聽聽的佳作，情歌在表情的傳達上是很難拿捏的，再加上音域瞬間的高低轉換和真、假音的交替，真是大挑戰，不過如果諸君想先聽聽他的歌喉，大可以到呢個 link http://www.hyuckfans.com/aiselo/other/music/sg205.html ，佢有首網上直播 都演譯得非常好。唔怪得世榮0係佢地個 Beyond concert 度大膽話對呢個樂壇無希望，我諗你聽過國內的歌手唱歌後，0係香港地都比較難搵到類似質素的。

喝酒.......

喝酒有很多方法，有人會作餐前酒，有人借酒消愁，有人會痛快地暢飲，我個人較喜歡後者，我認為飲酒是可以提升你的快樂情緒及氣氛的，而單對單飲與一大班人一起飲的感覺是完全不同。先說一大班人飲酒，一般都是喝啤酒或甜酒為主，大家有講有笑玩下遊戲，氣氛可以相當高脹；而單對單飲用0既酒可以很多元化，有紅白酒、gin酒、cocktail、whisky亦可，飲一點酒大家釋放一下自己，一大啖一大啖的喝，玩一下遊戲，講一點平時自己未必會講的話，增進一下大家的感情。我個人酒量也不太好，所以偶爾飲醉一點點，放下一下平日一副正經的樣子，放鬆一下!!